Liñas do tempo

Unha liña de tempo ou cronograma é un listado de datas asociados a acontecementos que nos permiten estudiar como foi evolucionando ao longo do tempo un suceso. Seguro que vimos moitas liñas en xornais ou libros de historia: gráfico coa data do terremoto de Xapón e as de todas as desgracias posteriores, biografía dunha persoa, feitos destacados dunha guerra...
A web 2.0 proporciónanos ferramentas que permiten facer estes listados de datas máis atractivos proporcionando unha interface gráfica agradable e permitindo asociar aos acontecementos imaxes, vídeos, textos e enlaces que permiten ampliar a información mostrada. As liñas creadas con estas ferramentas poden incrustarse no blog da biblioteca.

Aplicacións na biblioteca

• Biografías de autores.
• Resumos de novelas ou películas, recollendo as datas dos principais acontecementos narrados enlazándoos con imaxes dos lugares.
• Recoller as actividades desevoltas na biblioteca. Proporciónanos unha forma sinxela de enlazar os traballos feitos ao longo do tempo e comprobar a evolución da biblioteca. Tamén pode facerse un rexistro das reunións do clube de lectura.
• Seguemento de acontecimentos, recollendo enlaces a xornais e outros medios onde se trata unha noticia.

O equipo da biblioteca do IES de Fene danos un bó exemplo do uso das liñas coa biografía de Mark Twain:

Mark Twain on Dipity.

Máis exemplos:

• Unha historia do libro, Books and Typography
• Artigos no blog da biblioteca da escola Sant Jordi de Lleida. Algúns servizos de creación de liñas como Dipity ofrecen a posibilidade de recoller automáticamente os artigos dun blog. O resultado non me convenze por que os acontecementos ordénanse pola data de publicación e non pola data na que ocorreron.
• Actividades de la Biblioteca Juan Leiva del IES Vega del Guadalete durante el curso 2008/09
• Historia do español

Ferramentas para crear liñas do tempo

Para a creación de liñas temos varias ferramentas:

• Dipity: http://www.dipity.com/ É unha das máis atractivas desde o punto de vista gráfico.
• Timerime: http://www.timerime.com/
•  Xtimeline: http://www.xtimeline.com/ Recomendada polos nenos máis pequenos pola súa facilidade de uso
• Rememble: http://www.rememble.com/
• Timetoast: http://www.timetoast.com/

O profesor Fulgencio Murcia escribiu en El blog de sociales 2.0 unha serie de artigos comparando os servizos de creación de liñas máis empregados: Dipity, Xtimeline, Timerime e Timetoast. No artigo sobre Dipity hai unha táboa comparando as características das catro.

Para ampliar

Para empezar podemos ver esta colección de vídeos nos que se explica o funcionamento de Dipity. Tamén están realizados por Fulgencio Murcia.

Tamén temos outro videotitorial sobre esta ferramenta preparado poloas autoras de Blogge@ndo.
Por último recomendo unha serie de páxinas nas que se explican as posibilidades didácticas das liñas en varias materias:

• Reseña de software para elaborar liñas do tempo, dentro duna serie de artigos sobre organizadores gráficos de Eduteka.
• Líneas del tiempo interactivas en el aula con Dipity, de Francisco Muñoz de la Peña en Educ@contic.
• Trabajar con software de liñas do tempo, de Marisa Elena Conde en Creatividad en la Escuela.
• Las líneas del tiempo, en Blogge@ndo.
• Uso de liñas do tempo en webs de bibliotecas, de Sergio Romero en Aprendiz bibliotecario.